மீண்டும் இணையும் 'அருவி' கூட்டணி: சூர்யா அல்லது கார்த்தி நடிக்க வாய்ப்பு

'அருவி' திரைப்படத்தை தொடர்ந்து ட்ரீம் வாரியர்ஸ் நிறுவனம் தயாரிக்கும் படத்தை அருண் பிரபு புருஷோத்தமன் இயக்குகிறார்.

 

அதிதி பாலன் நடிப்பில் அருண் பிரபு புருஷோத்தமன் இயக்கிய திரைப்படம் 'அருவி'. இந்த திரைப்படம் விமர்சன ரீதியில் மட்டுமல்லாமல், வசூல் ரீதியிலும் பெரும் வெற்றியடைந்தது. 'அருவி' திரைப்படத்தை ட்ரீம் வாரியர்ஸ் நிறுவனத்தின் சார்பில் எஸ்.ஆர்.பிரபு தயாரித்திருந்தார். இந்த திரைப்படத்தை தொடர்ந்து 'வாழ்' என்ற திரைப்படத்தை அருண் பிரபு புருஷோத்தமன் இயக்கினார். நேரடியாக ஓ.டி.டியில் வெளியான அந்த படத்திற்கு கலவையான விமர்சனங்களை கிடைத்தன.

 

இந்த நிலையில் அருண் பிரபு புருஷோத்தமன் இயக்கவுள்ள புதிய படத்தை தயாரிக்க உள்ளதாக எஸ்.ஆர்.பிரபு கூறியுள்ளார். அது பெரிய திரைப்படமாக இருக்குமெனவும் அவர் தெரிவித்துள்ளார். இதனால் அந்த படத்தில் சூர்யா அல்லது கார்த்தி நடிக்கலாம் என எதிர்பார்ப்பு எழுந்துள்ளது.

 

இதையும் படிக்க: ’எதற்கும் துணிந்தவன்’ படப்பிடிப்பில் சூர்யாவுக்கு ஓவியத்தை பரிசாக வழங்கிய ரசிகர்கள்

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3od3sKp