உதயநிதி - மாரி செல்வராஜ் இணையும் புதிய படத்துக்கு இசையமைக்கிறார் ஏ.ஆர்.ரஹ்மான்?

உதயநிதியுடன் இயக்குநர் மாரிசெல்வராஜ் இணையும் புதிய படத்திற்கு ஏ.ஆர்.ரஹ்மான் இசையமைக்க உள்ளதாக தகவல் வெளியாகியுள்ளது.

‘கர்ணன்’ படத்திற்குப் பிறகு இயக்குநர் மாரி செல்வராஜ் இயக்குநர் பா.ரஞ்சித் தயாரிக்கும் துருவ் விக்ரமின் படம், தனுஷின் பெயரிடாதப்படம் ஆகிய இரண்டு படங்களை இயக்குகிறார். முதலில் இந்தப் படங்களைத்தான் இயக்குவதாக இருந்தது. ஆனால், உதயநிதி ஸ்டாலின் முழுநேர அரசியல்வாதியாய் மாற விரும்புவதால் கடைசியாக மாரி செல்வராஜ் படத்தில் நடிக்கவிருக்கிறார் என்று சொல்லப்படுகிறது.

அதனால், மாரி செல்வராஜ் உதயநிதி படம் முதலில் துவங்கவிருக்கிறது . ஏற்கெனவே, இப்படத்தில் மலையாள நடிகர் ஃபகத் ஃபாசில் நடிக்க ஒப்பந்தமாகி இருக்கிறார். நடிகர் வடிவேலு முக்கியமான கதாபாத்திரத்தில் நடிக்கிறார். இந்நிலையில் படத்தில் உதயநிதிக்கு ஜோடியாக கீர்த்தி சுரேஷ் நடிக்க இருப்பதாக தகவல் வெளியாகியுள்ளது. மேலும் இந்த படத்திற்கு இசையமைப்பாளராக ஏ.ஆர்.ரஹ்மான் ஒப்பந்தமாகியுள்ளதாக கூறப்படுகிறது.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3zid6yO