’முத்துவின் பயணம்’: நாளை வெளியாகும் சிம்புவின் ‘வெந்து தணிந்தது காடு கிளிம்ப்ஸ்’

கெளதம் மேனன் கூட்டணியில் உருவாகும் 'வெந்து தணிந்தது காடு' படத்தின் கிளிம்ப்ஸ் நாளை வெளியாகிறது.

'விண்ணைத்தாண்டி வருவாயா', 'அச்சம் என்பது மடமையடா' படங்களுக்குப் பிறகு சிம்பு - கெளதம் மேனன் கூட்டணி 'வெந்து தணிந்தது காடு' படத்தில் மூன்றாவது முறையாக இணைந்துள்ளனர். சிம்புவின் 47-வது படமான இத்திரைப்படம், எழுத்தாளர் ஜெயமோகன் திரைக்கதையில் உருவாகி வருகிறது.

இப்படத்துக்கு ஏ.ஆர்.ரஹ்மான் இசையமைக்கிறார். தாமரை பாடல்கள் எழுதுகிறார். ஐசரி கணேஷ் தயாரிக்கிறார். இப்படத்தின் படப்பிடிப்பு மும்பையில் நடந்து வருகிறது. இப்படத்திற்காக உடல் எடை மெலிந்து கவனம் ஈர்க்கிறார் சிம்பு. ஆக்‌ஷன் - கிராமத்து பின்னணியில் இப்படம் உருவாகி வருகிறது.இந்த நிலையில், நாளை மதியம் வெந்து தணிந்தது காடு படத்தின் கிளிம்ப்ஸ் முத்துவின் பயணம் வெளியாகும் என்று அறிவித்திருக்கிறார் சிம்பு. இப்படத்தில், முத்து என்ற கதாபாத்திரத்தில் சிம்பு நடிக்கிறார்.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/33eM4wt