'ஜெய் பீம்’ பார்த்துவிட்டு சூர்யாவை நேரில் பாராட்டிய தோழர் நல்லக்கண்ணு

கம்யூனிஸ்ட் கட்சியின் முத்த தலைவர் நல்லக்கண்ணு நடிகர் சூர்யாவின் ‘ஜெய் பீம்’ படத்தைப் பார்த்துவிட்டு படக்குழுவினரை நேரில் பாராட்டியிருக்கிறார்.

சூர்யா நடிப்பில் சமீபத்தில் வெளியான ’ஜெய் பீம்’ படம் பார்த்துவிட்டு சினிமாதுறையினர், ரசிகர்கள், அரசியல்வாதிகள் என சூர்யாவுக்கு பல தரப்பினரும் பாராட்டி அறிக்கை வெளியிட்டும் வீடியோ வெளியிட்டும் ஆதரவாக இருக்கிறார்கள்.

தமிழக முதல்வர் மு.க ஸ்டாலின், விடுதலை சிறுத்தைகள் கட்சியின் தலைவர் திருமாவளவன், நாம் தமிழர் கட்சியின் தலைமை ஒருங்கிணைப்பாளர் சீமான், நடிகரும் மக்கள் நீதி மய்யத்தின் தலைவருமான கமல்ஹாசன், மார்க்சிஸ்ட் கட்சியின் மாநில செயலாளர் கே.பாலகிருஷ்ணன் என பலர் படம் பார்த்துவிட்டு பாராட்டினர். இந்நிலையில், இந்தியக் கம்யூனிஸ்ட் கட்சியின் மூத்த தலைவர் நல்லக்கண்ணு நடிகர் சூர்யா, ஞானவேல் ஆகியோரை நேரில் சந்தித்துப் பாராட்டியிருக்கிறார்.

அவர்களுடன் நடிகர் சிவக்குமாரும் இருக்கிறார். புகைபடங்களில் புது லுக்கில் சூர்யா கவனம் ஈர்க்கிறார். இந்தப் புகைப்படங்கள் சமூக வலைதளங்களில் வைரலாகி வருகின்றன.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3CWhpjs