வெற்றி தோல்வி-எண்ணிக்கையில் இல்லாமல், மக்களுக்காக உழைக்க வந்ததே கமலின் வெற்றி: பார்த்திபன்

கோவை தெற்கு தொகுதியில் மக்கள் நீதி மய்யம் வேட்பாளர் கமல்ஹாசனுக்கும் பாஜக வேட்பாளர் வானதி சீனிவாசனுக்கும் இடையே பலத்த போட்டி நிலவிய  நிலையில், நடிகர் பார்த்திபன் கமல்ஹாசனை பாராட்டி ட்வீட் செய்துள்ளார்.

நடந்து முடிந்த தமிழக சட்டமன்றத் தேர்தலில் திமுக 158 இடங்களில் முன்னிலையிலும், அதிமுக 76 தொகுதிகளில் முன்னிலையில் இருக்கிறது. அதற்கு அடுத்தப்படியாக, மக்கள் நீதி மய்யம் கட்சி சார்பில் கோவை தெற்கு தொகுதியில் போட்டியிட்ட கமல்ஹாசன் காலையில் இருந்து முன்னிலை வகித்து வந்தார். இந்நிலையில், கடைசி கட்டங்களில் பாஜக வேட்பாளர் வானதி சீனிவாசனுக்கும் குறைந்த வாக்குகள் வித்தியாசத்தில் வெற்றி பெற்றார்.

இதனிடையே, நடிகர் பார்த்திபன் தனது ட்விட்டர் பக்கத்தில் ”திரு கமல் அவர்களின் வெற்றி என்பது.... வெற்றி தோல்வி-எண்ணிக்கையில் இல்லாமல், தன்னம்பிக்கையில் மக்களுக்காக உழைக்க முன்வந்து, அரசியல் க(ள்)ளம் அறிந்தப் பின்(னும்) வாங்காமல்,வெல்வதற்கு கூட்டு பொரியல் ஏதும் வைக்காமல் பேராண்மையுடன் நின்றதே” என்று பதிவிட்டுள்ளார்.

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News https://ift.tt/3nDTmA3